Në një intervistë të shkurtër për SuperSport menjëherë pas shortit në grupe për eliminatorer e “Euro 2020”, trajneri Christian Panuçi e konsideroi atë si të pranueshëm, ku menjëherë e vuri synimin: vendin e dytë.
Çfarë mund të na thoni pas shortit?
Mund të shkonte më mirë, por edhe më keq. E pranojmë dhe do të punojmë që të bëjmë të pamundurën për t’u kualifikuar.
Kush ju tremb më shumë në këtë grup?
Franca është favoritja e madhe, por dhe Turqia e Islanda janë ekipe mjaft të mira dhe do të garojnë për vendin e dytë.
Sa janë shanset për kualifikim sipas jush?
E rëndësishme është që të kem lojtarët në formë. Juve nuk u intereson shumë gjendja e lojtarëve, por vetëm rezultati, ndërsa mua më intereson forma e tyre për momentin.
Kundërshtarët kanë histori të ndryshme…
Duhet ta shkruajmë ne historinë. Duhet të bëjmë çdo gjë për të fituar, duhet të bëjmë një luftë.
Do e kemi gati skuadrën në mars? Lojtarë si Roshi e Sadiku?
Uroj që t’i kemi gati të gjithë lojtarët, pasi do të jetë më e lehtë përgatitja e ndeshjeve.
Nëse do të kemi të gjithë lojtarët ku e shihni Shqipërinë?
Do e shihja duke luftuar me Islandën dhe Turqinë për vendin e dytë në grup, që na çon edhe në Europian.
