Portali maqedonas “Maktel” ka bërë të ditur se qarqe të pushtetit aktual duan që të inskenojnë konflikt përmes një incidenti. Lajmi i këtij portali ka bërë bujë, ndonëse është përcjellë në formë spekulimi. Aty përmendet edhe emri i liderit të VMRO-DPMNE-së, Nikolla Gruevski dhe ish-shefit të shërbimit sekret, Sasho Mijallkov.
Madje në titullin e këtij lajmi shkruhet se: “Gruevski dhe Mijallkov kanë vendosur që ta zhdukin Maqedoninë”, dhe që një skenar i errët me erë lufte do të ndodhë jo më larg se ditën e hënë.
Organet e sigurisë deri tani nuk kanë dalë me asnjë reagim që të mohojnë ose sqarojë lidhur me këto informacione të pakonfirmuara të cilat i ka përcjellë portali në fjalë.
Ashtu siç shkruhet më tej, qëllimi është që të inskenohet një incident në kufi me Kosovën dhe kjo të shfrytëzohet për skenare të tjera. Por nga ana tjetër, mësohet dhe thuhet se për këtë janë të informuar diplomatë perëndimor, NATO dhe qendra të tjera diplomatike, duke e konsideruar si një plan i lexuar dhe amator. /tesheshi.com/
