Presidenti ukrainas Petro Poroshenko paralajmëroi për kërcënimin e “luftës së përgjithshme” me Rusinë e cila, sipas fjalëve të tij, “u rrit në mënyrë dramatike” me praninë ushtarake në kufi, pas sekuestrimit të tre anijeve ukrainase në Detin e Zi nga forcat detare ruse.
“Ukraina kërcënohet me luftë nga Federata Rus”, paralajmëroi të martën presidentit Poroshenko në tre rrjete televizive ukrainase.
Sipas tij, numri i tankeve në bazat ushtarake ruse përgjatë kufirit është “trefishuar” dhe numri i njësive ushtarake “është rritur në mënyrë dramatike”.
Ai raportoi gjithashtu për një rritje të madhe në numrin e luftanijeve ruse në Detin Azov dhe forcimin e pranisë ushtarake ruse në Krime, gadishullin ukrainas që Moska e aneksoi në vitin 2014.
Incidenti në Detin e Zi ndodhi kur anijet e Marinës Ukrainës u munduan që përmes gjirin Kerck të hyjnë në Detin e Azov, e cila është shumë e rëndësishme për eksportin e grurit dhe të çelikut të prodhuar në lindje të Ukrainës.
Rojet bregdetare ruse, të cilat janë nën autoritetin e Shërbimit të Sigurisë (FSB), i ndaluan ato, duke i akuzuar ata për hyrje të paligjshme në ujërat ruse.
Rusia e quajti “provokimin” e trazirave dhe Ukraina dënoi “aktin e agresionit” të Moskës, duke kërkuar lirimin e marinarëve dhe kthimin e anijeve.
Sipas pohimeve të mbrëmshme të mediave ruse, Rusia arrestoi shtatë nga 24 ushtarët e anijeve navale të Ukrainës.
Gjykata ruse në Krime ka vendosur se shtatë prej tyre do të mbahen në paraburgim dy muaj, sepse, siç thuhet në vendimin e gjykatës, cenuan ujërat territoriale ruse, ndërsa kundër të tjerëve do vijojë gjyqi.
Donald Trump, duke ngritur tonet ndaj Vladimir Putinit, kërcënoi të anulojë takimin mes tyre të planifikuar në fund të javës së ardhshme në samitin e G20 në Argjentinë.
“Ndoshta nuk do të takohem”, ka thënë Trump, vuri në dukje Shtëpia e Bardhë, pasi kishte konfirmuar tashmë se takimi do të mbahej.
“Nuk më pëlqen ky agresion”, mësohet të ketë thënë Trump.
“Evropianët duhet të bëjnë më shumë për të ndihmuar Ukrainën në konfliktin e saj me Rusinë mbi Krimenë”, tha të martën zëdhënësi i SHBA Heather Nauert. /tesheshi.com/
