Edhe pse ditë pushimi, PD zgjodhi dhe këtë të dielë që të sulmojë Kryeprokuroren e Përkoshme Arta Marku, duke e akuzuar së kërkon të prishë dosje të nxehta hetimore, duke transferuar prokurorë të Krimeve të Rënda nga Tirana në rrethe.
Deputeti Gazmend Bardhi e sheh kështu gjithë ç’po ndodh mes znj. Marku dhe vartësve të saj, qysh nga rebelimi për të mos marrë në shqyrtim për gjykim dosjen “Shullazi”
“Lufta ndaj krimit të organizuar dhe korrupsionit ka marrë goditje të paprecedentë gjatë këtyre ditëve nga Arta Marku, Kryeprokurorja e Edi Ramës, që me veprime të qëllimshme dhe me paramendim, po godet, dekurajon dhe shantazhon, grupin e prokurorëve antimafia. Transferimi i paligjshëm i 3 prokurorëve të Krimeve të Rënda dhe procedimi disiplinor për 10 prej tyre, është pjesë e një skenari të urdhëruar nga Edi Rama, për të shantazhuar prokurorët që janë në betejë të përditshme me krimin e organizuar, pushtetarët e lidhur me të dhe qeveritarët e korruptuar”, tha Bardhi. /tesheshi.com/
