Sekretari i Shtetit Mike Pompeo tha se Kosova duhet të jetë e gatshme të vazhdojë negociatat me Serbinë sa më shpejt që të jetë e mundur.
“Ne e mirëpritëm vendimin e qeverisë suaj për të shfuqizuar të gjitha masat e reciprocitetit për mallrat nga Serbia, të cilat shënuan një hap kryesor në rifillimin e procesit të dialogut,” tha Pompeo në një letër drejtuar kryeministrit të Kosovës Avdullah Hoti, duke e uruar atë për zgjedhjen e tij.
Ai theksoi në letër se Shtetet e Bashkuara vazhdojnë të mbështesin Kosovën “në avancimin e procesit të normalizimit të plotë të marrëdhënieve me Serbinë, të përqendruar në njohjen e ndërsjelltë”, e cila ai tha se është thelbësore për Kosovën në drejtim të integrimit global dhe realizimit të potencialit të tij të plotë.
Hoti postoi një mesazh urimi në Twitter, duke thënë se Prishtina është e vendosur të punojë ngushtë dhe shprehu mirënjohje për, siç tha ai, “mbështetje të pakufizuar në normalizimin e marrëdhënieve me Serbinë, që synojnë njohjen e ndërsjelltë”.
Në letrën, përmbajtja e së cilës u transmetua nga kabineti i Hoti, Pompeo gjithashtu uroi për “procesin paqësor dhe demokratik të formimit të një qeverie”.
Ai gjithashtu mirëpriti angazhimin për të luftuar korrupsionin dhe premtoi mbështetje për veprime antikorrupsion, si dhe nisma të tjera që synojnë rritjen e sundimit të ligjit dhe forcimin e institucioneve demokratike që mund të “sigurojnë trajtim të barabartë dhe drejtësi për të gjithë qytetarët e Kosovës”.
“Së bashku, ne do ta kapërcejmë pandeminë COVID 19 dhe do të ndërtojmë një rrugë për realizimin e potencialit ekonomik të Kosovës. Unë mbetem i përkushtuar për forcimin e lidhjeve midis dy vendeve tona,” tha Pompeo në një letër. /tesheshi.com/
