Senati i Polonisë ka miratuar dy ligje kontestuese, me të cilat qeveria konservatore shtrin kontrollin mbi autoritetet juridike në këtë vend duke i lejuar qeverisjes të emërojë gjyqtarët.
Kjo instancë është trajtuar deri tani si e pavarur, por në të ardhmen emërimet do të bëhen ndryshe. Autoriteti do të kontrollohet nga Partia për Drejtësi dhe Barazi (PiS) e cila ka shumicën absolute në parlament.
Për shkak të sjelljes së partisë PiS, Komisioni Evropian i BE ka nisur një proces gjyqësor kundër qeverisë në Varshavë, por deri tani pa pasoja, raporton Deutche Welle.
“Dokumenti i miratuar i lejon ministrit të Drejtësisë që të emërojë gjykatësit në Poloni. Vëzhguesit thonë se nënshkrimi i presidentit është pothuajse i sigurt. Kritikët nuk kanë mundur të stopojnë deri tani këtë proces. Argumenti i tyre për shkeljen e drejtësisë dhe parimeve të ndrarjes së pushtetit, nuk ka dhënë rezultate. Qeveria në Poloni nuk shqetësohet shumë për këto kritika. Senatori Bogdan Borusevicz nga partitë opozitare thotë: “Këto ligje do ta varrosin pavarësinë e organeve juridike.”- shkruan DË.
Të dielën në Poloni janë mbajtur protesta kundër ndryshimeve të ligjeve.
Ata i kanë bërë thirrje presidentit Duda që të vendosë veto dhe të mos nënshkruajë ligjet. Motoja e protestave ishte “Liria, drejtësia dhe vëllazëria.” Policia ka arrestuar me dhjetëra persona që kishin mbyllur rrugën drejt parlamentit në Varshavë./tesheshi.com/
