Krerët e politikës shqiptare në Mal të Zi japin sërish spektakël në shesh të serbo-malazezëve.
Gazeta më e madhe malazeze Vijesti, e lineuar prej kohësh me opozitën filoserbe, ka botuar sërish një shkrim ku përplas krerët e politikës shqiptare në Ulqin.
Kryetari i Komunës së Ulqinit, Fatmir Gjeka tha se me mbështetjen e tij, Nazif Cunku qëndroi 4 vjet në postin e kryebashkiakut dhe i ka kërkuar rivalit të tij të kërkojë falje publike.
Po pse ndodh ky sherr?! Shumë e thjeshtë.
Kryetari i komunës së Ulqinit zgjidhet me votat e këshillit komunal dhe jo direkt nga populli.
Dhe për të administruar qytetin duhet të bësh marrëveshje me partinë në pushtet, pra Demokratët –Socialistë të Gjukanoviqit, të cilët zotërojnë afro një të tretën e votave.
Dhe në këtë rast po zhvillohet një lojë frenetike se kush bën aleancë me PDS-në, ndërkohë që shumë mirë shqptarët mund të bëjnë aleancë me njëri-tjetrin siç ndodhi dhe në 201.
Por ata nuk bien dakord. Dhe Forca e Nazif Cungut duket se i ka gjetur “telat” me Gjukanoviqin dhe pritet të marrë sërish drejtimin e Ulqinit.
Por kryetari aktual nuk e pranon këtë dhe i është kthyer për ndihmë opozitës filoserbe dhe e bën çështje në Vijesti.
Vetë Gjukanoviç ka deklaruar në një komunikatë zyrtare do të bëjë aleancë me atë parti shqiptare që bashkon më shumë zgjedhësit e Ulqinit.
Po deri tani nuk ka dalë ndokush që i bashkon. Realisht gara është se kush përçan më shumë…
/tesheshi.com/
