Policia e Shtetit vijon fushatën e saj sensibilizuese për të rritur sigurinë rrugore.
Rreth 50 mijë fletëpalosje po u lihen në dorë drejtuesve të automjeteve në pikat e kalimit kufitar, porte dhe në akset rrugore nacionale.
Por nga kjo strukturë e rendit, njoftohet gjithashtu se vijojnë dhe masat e ashpra ndëshkuese me këto rezultate gjatë 24 orëve të fundit:
Janë vendosur gjithsej 2.015 masa administrative.
Duke përdorur Dragerat dhe Radarin, nga shërbimet e Policisë Rrugore janë arrestuar në flagrancë 8 drejtues mjetesh, nga këta 4 të pa pajisur me Leje Drejtimi dhe 4 drejtues mjetesh në gjendje të dehur.
Janë pezulluar gjithsej 38 Leje Drejtimi, nga këto: 8 për pije alkoolike, 23 për shpejtësi dhe 7 për shkelje semafori e shkelje të tjera të ndryshme.
Janë vendosur 507 masa administrative për mosvendosje rrip sigurimi e përdorim celulari, 144 masa për mosvendosje të kaskës mbrojtëse, si dhe 213 masat e tjera janë për shpejtësi, parakalim të gabuar, si dhe janë dërguar në OASH, 48 drejtues mjetesh. /tesheshi.com/
