Në një aksion të fundit të policisë rrugore në tunelin e Kalimashit, është bërë kërdia me 71 patenta të hequra për tejkalim shpejtësie. Këtë e bëjnë me dije vetë autoritetet e Rendit në Shqipëri, ilustruar edhe me një material video.
Dhe kjo ka qenë tejet e lehtë për rrugorët pasi kjo ka përbërë një rast të rrallë ku ata kanë “ngritur pritë” në tunelin e Kalimashit.
Përgjithësisht, në të gjithë gjatësinë e segmentit, nga Rubiku e deri në hyrje të Kukësit, përfshirë edhe tunelin në fjalë, patrullat policore pothuajse mungojnë.
Dhe kjo bën që drejtuesit e automjeteve të mos e respektojnë limitin e shpejtësisë, sidomos në tunel, ku ndërsa tabela thotë se duhet të ecet (vozitet në variantin kosovar) me 70 km në orë, rrallë ndodh që ndonjë automjet të ecë me nën 100 në orë.
Dhe kjo i ka gjetur të papërgatitur njerëzit në timon që me “gazin në dërrasë” përgjatë ecjes në tunel u ka dalë para policia me radar në dorë.
Dhe ja rezultati: 71 patenta të hequra. Ndoshta aq sa automjete sa kanë kaluar për sa policia ka ndenjur “në pritë”. /tesheshi.com/
Linku i videos
https://www.youtube.com/watch?v=mSOFYYfZ4OY
