Rreth 2500 efektivë policie do të angazhohen nesër në Tiranë për protestën e 13 majit të organizuar nga opozita. Policia bën të ditur se ka marrë masat për mbarëvajtje dhe siguri të rendit gjatë kohës që do të zhvillohet protesta. Gjithashtu policia do të jetë në gatishmëri edhe në qytete të tjera të vendit.
Kryeministri Edi Rama ka pasur sot një takim me drejtuesit e Policisë. Në këtë takim merrte pjesë Drejtori i Policisë së
Tiranës, Ardi Veli, Drejtori për Sigurinë në Polici, Altin Qato si dhe disa drejtues të tjerë.
Edhe pse opozita ka deklaruar se opozita do të jetë paqësore, masat e policisë për mbarëvajtjen e protestës kanë për qëllim garantimin e jetës së qytetarëve. Policia e Shtetit ka marrë masat për menaxhimin e situatës nëse ka incidente apo dhunë.
Pritet që në gatishmëri do të kalojnë edhe Forcat e Ndërhyrjes së Shpejtë dhe reparti RENEA.
Për të ulur tensionet, rradhët me police femra do të jenë të pranishme ashtu si në protestën e fundit të opozitës më 18 shkurt.
Ardi Veliu, drejtori i ri i policisë së Tiranës, javën që shkoi u dha porosi shefave të komisariateve që mos bien pre e provokimeve të mundshme nga protestuesit./tesheshi.com
