Policia shqiptare këmbëngul se nuk ka ekziston asnjë raport ndërkombëtar mbi kultivimin e drogës në Shqipëri.
Reagimi ka ardhur pasi ditët e fundit, mediat, por dhe oopzita, po i referohen një raporti të tillë tek i cili shpalosen të dhëna mbi sasitë e mbjellja në të gjithë vendin dhe implikimin e krerëve të policisë në këtë lloj biznesi të paligjshëm.
Së fundi, opozita, nëpërmjet n/kryetarit të komisionit parlamentar të sigurisë kombëtare, Flamur Noka, i është drejtuar ambasadës italiane në Tiranë me një letër-kërkesë, nëpërmjet së cilës i këkon detaje mbi raportin, që sipas PD-së nuk bëhet publike nga strukturat e rendit.
Por nga ky dikaster vjen reagimi ku thuhet se “nuk ka egzistuar e nuk ekziston asnjë raport sekret apo i çdo natyre tjetër nga asnjë prej agjencive partnere ligjzbatuese lidhur me këtë çështje. Bashkëpunimi i Policisë Shqiptare me partnerët është i shkëlqyer, e falë shkëmbimit intensiv të informacionit janë arritur rezultate pozitive të pakrahasueshme më të kaluarën. Bashkëpunimi konkret me partnerët Italianë, si dhe angazhimi i Policisë në shkatërrimin e çdo parcelë të evidentuar, ka shënuar intensifikim maksimal vitet e fundit. Është kjo arsyeja që është rritur eficienca e Policisë së Shtetit në identifikimin e kultivimit dhe shkatërrimit të narkotikëve. Lajme të shpikura për raporte sekrete, jo vetëm synojnë denigrimin e punës së Policisë, por synojnë gjithashtu dëmtimin e punës së përbashkët të Policisë së Shtetit me partnerët ndërkombëtarë, çka ndikon edhe në dëmtimin e imazhit të vendit”, thuhet në deklaratë. /tesheshi.com/
