Policia gjermane po bën hetime lidhur me një grup të rinjve të shkollave të cilët po shpërndajnë materiale me përmbajtje naziste në një platformë sociale të shkollës.
Siç raporton “Bild”, prindërit dhe autoritetet e shkollës u shqetësuan kur kuptuan se nxënësit përshëndeteshin me famëkeqen “hajl Hitler” mes vete, si dhe përqeshnin këdo që nuk u dukej si vetja.
Zëdhënësi i Ministrisë së Kulturës tha se nuk mund të thoshte asgjë për përmbajtjen e bisedave në grup për shkak të hetimeve në vazhdim.
Rajoni Baden-Wuerttemberg, i cili u prek nga ky skandal, njihet si i qetë, dhe autoritetet pohuan se në shkollë nuk ka shkelur këmbë polici në 10 vitet e fundit.
Radikalët e krahut të djathtë dhe sloganet diskriminuese nuk janë diçka e panjohur në Gjermani. Vendi po shënon rritje të ndjenjave ksenofobe në mesin e qytetarëve. Raportet e mediave flasin se pavarësisht ligjeve të rrepta kundër diskriminimit, një pjesë e konsiderueshme e qytetarëve thonë se nuk ndjehen aspak komod me tendencat dhe prurjet e emigracionit. /tesheshi.com/
