Policia e Madridit së shpejti do të fillojë të përdorë armë elektrike në vend të atyre me plumba të vërtetë siç rekomandohen nga organizatat ndërkombëtare për të drejtat e njeriut, njoftoi të martën kreu i ri i Bashkisë së kryeqytetit spanjoll, Jose Luis Martínez-Almeida.
Ajo pritet të marrë 200 pistoleta të zeza dhe të verdha “Taser” në javët e ardhshme, armë që prodhojnë goditje elektrike e që si pasojë ndikojnë në sistemin nervor të njerëzve dhe kafshëve, duke paralizuar përkohësisht gjymtyrët.
“Kur ka nevojë të përdorësh forcë, të jetë sa më i vogël që është e mundur”, u tha gazetarëve Inmaculada Sanz, një zëdhënëse e departamentit të sigurisë së qytetit.
“Përdorimi i tyre rekomandohet nga shumë organizata ndërkombëtare të të drejtave të njeriut, të cilave i përket Spanja”, shtoi ajo.
Këto armë kanë edhe një aparat fotografik për regjistrimin e ndërhyrjeve.
Kjo nuk do të thotë që armët me plumba të vërtetë do të tërhiqen nga përdorimi. /tesheshi.com/
