Pas deklarimeve dhe publikimeve të disa informacioneve të fundit nëpër disa media lidhur me një “fluks apo eksod të ri të kosovarëve”, ka reaguar policia, e cila mohon të ketë emigrim ilegal të qytetarëve duke thënë se nuk ka vend për shqetësim.
“Nuk ka asnjë konfirmim nga asnjë shtet i BE -së, se ka rritje të numrit të kërkesave të kosovarëve për azil në këto shtete.
Gjatë sezonit sezonit veror vendin tonë e kanë vizituar shumë bashkatdhetarë, prandaj një numër i madh i tyre kanë përfunduar pushimet dhe festat dhe si zakonisht kthehen nëpër vendet ku ata jetojnë dhe punojnë.
Autoritetet tona kanë njoftuar rregullisht përmes mediave për qarkullimin dhe fluksin nëpër pikat e kontrollit kufitar si në hyrje dhe dalje të Republikës së Kosovës dhe masat e ndërmarra për lehtësim në qarkullim, prandaj raportimet për ikje masive apo eksod të qytetarëve në mënyra tjera janë të pavërteta”, thuhet në njoftimin e policisë./tesheshi.com/
