Të paktën 12 persona të dyshuar që po përgatisnin një sulm në Belgjikë janë ndaluar nga policia gjatë një aksioni të bërë në disa apartamente në territorin belg, e veçanërisht në Bruksel. Lajmi është bërë i ditur nga mediat lokale.
Agjentët kanë marrë në pyetje 40 persona dhe 12 prej tyre janë ndaluar nën akuzën e terrorizmit. Ata mendohet se do të sulmonin gjatë ndeshjes së programuar për në pasdite mes Belgjikës dhe Irlandës.
Sajti në internet i talevizionit VTM bën me dije se “policia ndërhyri përpara se një atentat i mundshëm të ndodhte”. Operacioni policor nisi pas përgjimit të një telefonate, në të cilën flitej për një sulm që mund të ndodhte. Gjykatësi do të vendosë më pas në lidhje me të ndaluarit. /tesheshi.com/
