Rrugët e Varshavës, kryeqytetit të Polonisë, u mbushën dje nga mijëra demonstrues, në përkujtim të ditës së pavarësisë. I organizuar nga e djathta ekstreme, në manifestim u pretendua nga organizatorët të kishte mbi 50.000 pjesëmarrës, ndërsa policia deklaroi se demonstruesit ishin diku te gjysma e numrit të mësipërm.
Slogani kryesor i marshuesve qe “Polonia për polakët”, por një grup i konsiderueshëm prej tyre do të shprehin dhe ndjenjat kundër BE-së, duke thirrur, “Dje ishte Moska, sot është Brukseli që na merr lirinë tonë.”
Teksa te turma e stërmadhe spikaste një det flamujsh polakë, protestuesit dogjën një të tillë të Bashkimit Europian.
“Zot, nder, atdhe,” ishte një thirrje e tyre, ndërsa policia mbikëqyrte me një numër të madh forcash protestën, e cila është shoqëruar rëndom vitet e shkuara me përplasje të dhunshme mes demonstruesve dhe ruajtësve të rendit.
Një tjetër slogan i protestuesve, i shkruar në gjermanisht, thoshte, “Puna të bën të lirë,” si një referencë për sloganin në portat e Aushvicit.
Manifestimi i djeshëm është i përvitshëm, e organizohet nga e djathta nacionaliste. Ndryshe traditës, marshimi qe paqësor në tërësinë e tij, e përfundoi po kështu. /tesheshi.com/
