Këshilltarja bashkiake e Tiranës, Albina Ferko Nanaj , ka zgjedhur një mënyrë origjinale përballë narrativës së zakonshme kushtuar Pashkëve, konsumuar prej elitës politike.
Dhe zakonisht, që kur krerët politikë përcjellin urime për festa fetare, kur sot ato i dedikohen Pashkëve ortodokse, frazat e formuluara prej tyre, ashtu të varfëra e të thëna në një mënyrë shumë amatoreske në aktrimin e nevojshëm kortezial, jo vetëm që nuk ngazëllejnë sadopak, besimtarë ose jo të tillë, por janë dhe shprehje të një injorance të thellë ndaj dijes fetare.
Por, po të ishte Krishti gjallë si do kish reaguar ndaj tyre, jo aq frazave, sesa ndaj gojëve që i nxjerrin?!
Dhe ja si e ”ringjall” për një moment këshilltarja e besimit mysliman, për t’ju qasur realitetit të sotëm në prani të tij, me anë të një statusi në FB:
”Po te ishte sot mes nesh, Krishti do te ishte duke protestuar. Sepse Krishti ishte revolucionar. Ai iu kundervu hapur burokracise klerikale, apo elites fetare te kohes qe kishte monopolizuar bashke me pushtetin edhe privilegjet. Ai iu kundervu etjes per pasuri te njerezve qe e kishin shnderruar fene ne nje grumbull rregullash dhe ligjesh te ngurte, duke e zhveshur ate nga esenca.
Ai u foli shpirtrave dhe zemrave, duke shenjestruar egersisht babezine per pasuri dhe dashurine per boten materiale.
Ai ishte si nje meteor qe ndriçoi rrufeshem shpirtrat dhe mendjet e bashkekohesve. Kundervenia e tij e pakompromis e futi ne nje trajektore te pashmangshme perplasjesh dhe intrigash.
Dhe si perfundim, Zoti e ngriti ate nga bota e kulisave dhe armiqesive, nga bota e tiraneve dhe te babeziturve, per ta shfaqur si argument per mbare njerezimin, deri ne Diten e Fundit.
Ne vdekatareve, te dobeteve, rober te veseve, epsheve dhe babezive na josh pamase ideja romantike e nje shpetimtari qe vetesakrifikohet per ne, per te metat tona.
Por Krishti thjesht na tregoi rrugen. Nje rruge qe secili duhet ta pershkoje vete. Ne jemi shpetimtaret e vetes.
Ne kete dite, uroj qe shembulli i Krishtit, paqja e Zotit qofte mbi te, te sherbeje si drite per jetet tona.”
/tesheshi.com/
