Sulejman Rrexhepi, kreu i muslimanëve në Maqedoninë Veriore, prej sot s’është më i tillë.
Ai është shkarkuar nga instancat e vetë BFI-së, institucioni përfaqësues, siç BIK në Kosovë e KMSH në Shqipëri, ku në vend të tij do jetë Myftiu i Gostivarit, Shaqir Fetahu (në foto duke lexuar deklaratën).
“Bazuar në procesverbalin e mbledhjes së jashtëzakonshme të shumicës së anëtarëve të Rijasetit të BFI-së të mbajtur më 27.05.2020, ne të nënshkruarit më poshtë në bazë të Nenit 36 dhe 58 të Kushtetutës së BFI-së, që e përbëjnë më shumë se 2/3 e anëtarëve të Rijasetit të BFI-së, vendosëm njëzëri shkarkimin e Sulejman Rexhepit nga posti Reisul Ulemasë, kryetar i BFI-së.
Deri në përgatitjen e kushteve për zgjedhje të reja për ushtrues detyre, kryetar i BFI-së është caktuar Myftiu i Gostivarit, Shaqir Fetahu”, thuhet në vendimin e Rijasetit të BFI-së.
Sulejmanin Rexhepi ka qenë një figurë mjaft e diskutueshme për bashkësinë muslimane të Maqedonisë, duke qenë i shënjestruar me shumë akuza ndër vite.
Pos kësaj, gëzonte një autoritet mjaft të ulët në bashkësinë e besimtarëve, jo vetëm nga fakti i mungesës së një personaliteti imponues, por dhe prej dritë-hijeve të shumta, në jetën private e atë publike. /tesheshi.com/
