Ndeshjet e para të fazës playoff në Euroleague janë mbyllur me fitoret e skuadrave pretendente për trofeun.
Megjithatë, për t’u veçuar si ndeshja më e vështirë për t’u fituar qe ajo e Fenerbahçes në Athinë ndaj Panathinaikosit.
Turqit, finalistë të sezonit të shkuar, arritën ta përmbysin një disavantazh 42-28 në përfundim të dhjetëminutëshit të dytë, për ta fituar tërë takimin 58-71.
Kampionët në fuqi të CSKA-së së Moskës po ashtu regjistruan fitore në takimin e parë. Baskonia Vitoria Gasteiz nuk mundi t’i bënte ballë skuadrës moskovite, duke iu dorëzuar humbjes 98-90.
Fitore pati dhe për dy finalistët e 2015-s, Realin e Madridit dhe Olimpiakosin.
Pretendues këtë sezon pasi një vit më herët nuk arritën të futeshin në katërshen finaliste, madrilenët e Realit fituan 83-75 ndaj turqve të Darushafakasë.
Në një tjetër përballje të basketbollit grek e turk, Olimpiakosi mposhti 87-72 Anadollu Efesin.
Takimet e dyta të playoff-it do të luhen këtë mbrëmje e të premten, e janë një përsëritje pa asnjë ndryshim e sfidave të para. /tesheshi.com/
