Shpërthen në Kuvend rasti i zhdukjes së biznesmenit shqiptar nga Kosova Remzi Hoxha. Ka qenë Erjon Braçe që ka sulmuar Berishën, por ish-kryeministri ka folur për herë të parë por ka sulmuar ish-Kreun e SHISH-it, Fatos Klosi.
Ky i fundit ka folur menjëherë dhe i ka bërë një pyetje Berishës. Por për këtë çështje ka folur edhe Ministri i Brendshëm Saimir Tahiri dhe pasardhësi i tij Flamur Noka.
Braçe “Dua të kujtoj rastin e Remzi Hoxhës, unë e kam njohur kur isha gazetar te Zëri i Popullit, ai ishte një shqiptar i madh që ka luftuar për idealin dhe atdheun e tij, këtej e andej kufirit. Jemi në ditët, në vitin e 20të kur ai nuk është më, sepse u rrëmbye, torturua, vra, zhdukën eshtrat, jemi në kohën kur familjarët e tij kërkojnë kockat, për të pasur një varr e për ta qarë me ritet e shqiptarëve atje mbi varr. Keni detyrimin si gjysh, prind, vëlla, si çfarë të doni quajeni veten, t’i thoni familjes se ku janë eshtrat e tij, pjesa tjetër është e drejtësisë, ku janë eshtrat, është një gjë që e kërkon djali i tij për 20 vite, ia ke borxh ti, unë e kushdo tjetër, ti tregojmë dhe dorëzojmë eshtrat atij djali, eshtrat e një shqiptari të mirë që luftoi deri në fund për atdheun e vet, kjo nuk duhet të marrë fund”.
Berisha: Unë ika në opozitë, erdhi rebelimi komunist, kush e mori, SHISH, e mori Fatos Klosi. Gjënë e parë që bëri Klosi zhduku dosjen e tij, nëse do ndokush sot janë dëshmitarët që e kanë ndjekur për dy dosje, dosja ndërtohet plotësisht, mendoni ju se Klosi po kursente, si ka mundësi për vitet që e drejtoi.
Tahiri: Për interesimin dhe thirrjen që më bëri deputeti Brace për cështjen e Remzi Hoxhës dua të bëj me dije se në detyrën që ushtroj kam marrë takim me të birin e të ndjerit Remzi Hoxha i cili ka kërkuar me të drejtë që MPB dhe prokuroria e gjykatat të veprojnë që një prej të dënuarve të bëhet cështe e mundur të vuajë dënimin sic i takon në Shqipëri. MPB dhe Policia ka për detyre të bëjë gjithcka për të rikuperuar atë që ka qenë një vonesë e qëllimshme për të mos bërë shteti detyrën e duhur që Kumbaro të vinte për të vuajtur dënimin këtu po u shty me dashje për të kaluar afatet vetëm që mos të vinte këtu.
Dosja dhe vendimi gjyqësor disponohet dhe është mjafti i qartë për përgjegjësitë penale të gjithë atyre që kanë pasur është pa të them gisht dhe dorë për pëgjegjëesi të plotë për eshtrat e një shqiptari të zhdukur nga shërbimi sekret, me prova të padiskutueshme nuk bëri asnjë ditë burg. është provuar në gjykim që Berisha është vënë në dijeni 3 ditë pas nga familjarët e të ndjerit duke i kërkuar të gjejë ku është Remzi Hoxha. Është provuar që është kontaktuar në zyrën e tij nga familjarët e Remziut për t’i kërkuar mëshirë ti sillnin familjarin gjallë, është provuar në gjykim se drejtori i SHIK të asaj kohe s’ka kthyer përgjgiej për muaj me rradhë nëse targa e makinës i përkiste shik apo jo. madje Gjergj Jorgo, Bashkim Gazidede në atë kohë të gjithë në varësi personale institucionale të Berishës si kthenin përgjigje prokurorisë për muaj të tëre nëse targa e makinës i përkiste apo jo shik. i nderuar deputet e kam për detyre t’u përgjigjem ju e qytetarëve e tu them se MPB ska më hapësirë për të gjetur përgjegjësi ligjore të shtuara dhe secili që ka pasur detyre shtetere atëherë edhe me dije ka shkaktuar torturë shtetërore kriminale ku njëri prej tyre Remzi Hoxha nuk doli më gjallë. për mua ai ishte një krim shtetëror që kulmonte tek zyra e ish Presidentit të Republikës së Shqiperisë. do kërkojmë nga autoritetet britanike për të kapur dhe për të sjellë para drejtësisë shqiptare Kumbaron.
Noka: Të flas për një ngjarje kur ky i ka pasur buzët me qumësht dhe mbahej me pelena, përpara se të flasë duhet tu sqarojë ku është Stafuka, a ekziston ky njeri gjallë dhe ku është zhdukur, të flasë dhe të zbardhë vrasjen e shokut të tij të ngushtë.
Klosi
I menjëhershëm ka qenë reagimi i ishkryetarit të SHISHit, Fatos Klosi, i cili për Javanews me akuzat e ishkryeministrit Sali Berisha se ka zhdukur dosjen e Remzi Hoxhës. Sipas Klosit, në SHISH kanë qenë zhdukur dosjet për Remzi Hoxhën pasi ai u mbeti në dorë.
“Kur bëhen punë të pista, gjëja e parë që zhduken jane dosjet. Ata i kanë zhdukur. Kanë pasur dosje më parë, por pasi u mbeti në dorë i zhdukën. S’kemi gjetur asnjë dosje”, deklaroi Klosi.
Ai i bën një pyetje të drejtëpërdrejtë Berishes lidhur me këtë akuzë: “Përse shtatë ishpunonjës të SHIKut, pasi u mbeti në dorë Hoxha, i pajisi me pasaportë diplomatike dhe i nisi në Angli?”.
“Do doja shumë të dija përgjigjen e kësaj pyetje”, deklaroi Klosi./tesheshi.com/
