Slavko Simiq, kreu i Lista Srbska në Kosovë ka vizituar vendqëndrimin e serbëve të Kosovës në Mal të Zi, të cilët janë vendosur atje që në vitin 1999 pas një plani të ish-presidentit filoserb, Momir Bulatoviq dhe Slobodan Milosheviqit.
Simiq ka treguar për gazetën serbe Kurir se ka një plan të detajuar për t’i kthyer të gjithë serbët e larguar, madje edhe projekte për ndërtime kompleksesh gjigande shtëpish në Gjakovë, Deçan, por edhe vendbanime të tjera të shqiptarëve në Kosovë.
Gazeta Kurir ka publikuar një prej maketeve të fshatrave që do të ndërtohen për serbët e zhvendosur, i cili duke si investim shumë serioz.
Simiq i cili ishte në Sutomore të Malit të ZI, së bashku me kryetarin e shoqatës të të zhvendosurve, Milenko Jovanoviq ka premtuar investime nga Beogradi, Brukseli dhe Prishtina.
Po kush e ka autorizuar kreun e Lista Srbska të bëjë këto premtime?!
Më poshtë, Blic përmend me emër zonat ku mund të vendosen të kthyerit.
“Ata që duan të kthehen mund ta bëjnë pa problem. Zonat mund t’i zgjedhin vetë në Gjakovë, Deçan Mitrovicën veriore, , Leposaviqi, Graçanica etj…
Ne do të bëjmë çmos për të krijuar kushtet për kthim. Projekti i ndërtimit është një “Luginë e Diellit” në Zveçan, me të gjitha kushtet”, tha Simiq.
Ai shtoi se e është e natyrshme që një pjesë e të larguarve zgjodhi të integrohet në vendet aktuale të banimit, pasi nuk ka pasur kushte për kthim deri tani. /tesheshi.com/
