Opozita serbe dhe proserbe në Mal të Zi, e nxitur nga qarqet ruse, ka intensifikuar planet e saj për të shkaktuar trazira në vendin që pritet të bëhet anëtar i NATO-s.
Dhe, pas dështimit të përplasjes në Podgoricë, ku opozita nuk siguroi përprahje, ka jetësuar planin “B” që synon ta kthejë Malin e Zi si Bosnja, pra të krijojnë një biçim Republika Srbska me qendër qytetin e Tivatit, i cili ka qenë baza më e rëndësishme ushtarake e Armatës Jugosllave.
Kështu bëhet e ditur nga deklaratat e krerëve të opozitës Milan Knezheviç dhe Dragica Peroviç, të cilat përcillen nga gazeta më e madhe malazeze Vijesti.
Kryetarët e Partisë Demokratike Popullore (SNP) dhe Partia Demokratike Serbe (SDSS) nënshkruan Memorandum që parashikon shkrirjen e këtyre dy forcave opozitare.
“Prioritet në veprim të përbashkët do të jetë për të ruajtur statusin e serbishtes si gjuhë zyrtare, mbrojtjen e lirisë fetare dhe pozitën e mitropolitit të Malit të Zi dhe Bregdetit, si një faktor kyç në ndërtimin dhe ruajtjen e kulturës dhe shpirtërore të Malit të Zi, si dhe promovimin e idesë së neutralitetit ushtarak të shtetit”, tha Knezeviq.
Pikërisht, mitropoliti serb i Malit të Zi është thelbi i kryengritjes së re kundër qeverisë së Milo Gjukanoviçit.
Kreu i opozitës foli për bashkimin e të gjitha forcve politike dhe shoqërore që e kundërshtojnë hyrjen e Malit të Zi në NATO në një koalicion të gjerë anti-NATO.
Në qytetin e Tivatit ata do të ndërtojnë kryeqendrën e një “Mali të Zi” paralel, që më pas do të kërkojë një status autonomie deri në shkëputje.
Knezeviç bëri të ditur se në Tivat, në kuadër të një ceremonie politico-fetare do të organizohet një manifestim i madh anti-NATO.
Në Tivat ka qenë baza kryesore navale e ushtrisë jugosllave dhe ku ndodhet aerodromi i dytë i Malit të Zi pas Podgoricës. Me anëtarësimin e Malit të Zi në NATO, porti i Tivatit pritet të kthehet edhe në një bazë e rëndësishme e Aleancës së Atlantikut të Veriut.
Por opozita serbe malazeze e kundërshton me force, ndaj dhe ka zgjedhur këtë qytet strategjik për të nisur kryengritjen e nxitur dhe e financuar nga Rusia.
Udhëheqësi i Partisë Popullore serbe, Dragica Peroviç, deklaroi se opozita synon që Mali i Zi duhet të ruajë marrëdhënie që i cilësoi “vëllazërore” me Federatën Ruse.
“Mali i Zi duhet të jetë Perëndimi i Lindjes dhe jo Lindja e Perëndimit”, deklaroi kryetar i DSS-së. /tesheshi.com/
