Mbrojtësi i Barcelonës, Gerard Pique ka konfirmuar se ai nuk do të luajë më për ekipin kombëtar spanjoll, pavarësisht se trajneri i tij i mëparshëm te Barça, Luis Enrique është emëruar si trajner.
Pique deklaroi synimin e tij për të lënë kombëtaren pas Rusisë, që pas një kualifikimi në Botëror me ndeshjen kundër Shqipërisë në tetor 2016, duke thënë se ishte i lodhur nga kritika të përsëritura, nga mbështetësit dhe mediat, dhe se dëshironte “të jetonte në paqe”.
31-vjeçari tha se i ka thënë Luis Enrique-es, se Botërori i Rusisë ishte i fundit me “La Roja”.
“Unë fola me Luis Enrique disa ditë më pare. Ai më thirri dhe i thashë se vendimi është marrë shumë kohë më parë dhe se e kisha menduar me kujdes”, tha mbrojtësi në një konferencë shtypi të shtunën.
“Ishte një kohë e bukur me ekipin kombëtar në të cilin kisha mundësinë të fitoj Kupën e Botës dhe Kampionatin Europian. Tani dua të përqëndrohem te Barça”, tha ai. /tesheshi.com/
