Një klient ka denoncuar Starbucks dhe kërkon një dëmshpërblim prej 5 milion dollarësh. Arsyeja? Kishte shumë akull në gotën e tij. Stacy Pincus, nga Chicago, shprehet se kafeneja e famshme në të vërtetë, në gotat që servir tek klientët ka më shumë akull sesa lëng nga pija e porositur, çka është krejt në të kundërt me atë që thuhet në reklamë.
“Starbucks reklamon së tepërmi në menynë e tij sasinë që përmbajnë gotat dhe kafet që shërbehen, por asnjëherë nuk tregon se çfarë u vjen në të vërtetë klientëve”, – thotë zonja.
Starbucks, në bazë të qëndrimit që ka mbajtur dhe ka shprehur zëdhënësi Jamie Riley për CNN, shprehet se akuzat e zonjës janë të pabaza. “Klientët tanë kuptojnë dhe presin që akulli të jetë një element i rëndësishëm në çdo pije shumë të ftohtë. Nëse klienti nuk është i kënaqur nga mënyra e përgatitjes së produktit, me shumë kënaqësi mund t’ia bëjmë nga e para”, – shprehet zëdhënësi i Starbucks. /tesheshi.com/
