Pjesëtari i sigurimit të Kuvendit të Republikës së Maqedonisë i cili dje nuk iu përgjigj kërkesës së kryetarit të Kuvendit Talat Xhaferit është pezulluar nga Ministrinë e Punëve të Brendshme.
Xhaferi kërkoi që sigurimi të largojë nga foltorja e kuvendit deputetin e VMRO-DPMNE-së Vllatko Gjorçevin i cili tentoi që replikën e tij ta orientojë në kërkesë procedurale.
Meqë ai refuzoi të largohet pas kërkesës së Xhaferit, ky i fundit ia ndali mikrofonin. Grupi parlamentar i VMRO-DPMNE-së reagoi duke thënë se sjellja e Talat Xhaferit është jodemokratike.
Ndërsa ish-krye parlamentari Stojan Andov vlerëson se kryetari i Kuvendit Talat Xhaferi me të drejtë kërkoi largimin e deputetit opozitar Vladimir Gjorçev, me çka parandaloi tensionimin e situatës. Sipas Andovit, Xhaferi ka vepruar në përputhje me ligjet dhe Rregulloren e Kuvendit
“Talat Xhaferi me të drejtë parandaloi përshkallëzimin e situatës, dhe kjo ishte hap i drejtë, për shkak se punët shkonin që të krijohet një konfuzion ndoshta edhe përleshje fizike, ose deri tek një dhunë më të madhe që ti largojnë të gjithë deputetët prej Kuvendit, dhe kjo do të ishte incident shumë më i madh me pasoja të gjata për punën e Kuvendit. Prandaj them që, sjellja e djeshme e kryetarit të Kuvendit ishte shembullore dhe në suazë të detyrave dhe obligimeve të tij”, deklaroi Stojan Andov. /tesheshi.com/
