Futbolli spanjoll është në kaos. Federata ka vendosur të pezullojë kampionatin në të gjitha nivelet, duke filluar nga data 16 maj, që përfshin edhe dy ndeshjet e fundit të La Liga-s apo finalen e Kupës së Mbretit.
“Ky vendim drastik vjen si protestë për dekretligjin e propozuar nga qeveria mbi të drejtat televizive të klubeve”, – shkruan Marca.
Me ndryshimet e reja, ndarja e të ardhurave do bëhet në mënyrë të barabartë 50% në të gjithë klubet dhe pjesa tjetër në varësi të nivelit, rezultateve dhe imazhit që ka secili. Kjo nënkupton që Reali i Madridit dhe Barcelona, të cilët kanë negociuar privatisht deri tani, nuk do ta bëjnë më një gjë të tillë.
Njëkohësisht, do humbasin miliona euro në vit prej ligjit të ri. Aktualisht, diferenca e dy gjigantëve të futbollit iberik, krahasuar me klubet e tjera, është deri në 10 herë më e lartë. Gjithashtu, është cilësuar padrejtësi edhe që të ketë barazi mes tyre dhe klubeve modeste./tesheshi.com/
