Shumë njerëz nuk kanë mundur dot të fluturojnë sot nga aeroportet skoceze dhe drejt tyre për shkak të një problemi me kontrollin e trafikut ajror, që mbetet ende i pazgjidhur.
Në një njoftim të Shërbimit Kombëtar të Trafikut Ajror (NATS), thuhet se gjatë natës ka patur një problem teknik në bazën e NATS-it në Prestwick, i cili është identifikuar dhe po zgjidhet aktualisht.
Qendra e Prestwick-ut kontrollon një pjesë të madhe të hapësirës britanike e më tej. Ajo është hapur në vitin 2010, dhe është përgjegjëse për hapësirën më të madhe ajrore në Europë, duke siguruar shërbimin e kontrollit të trafikut ajror për 1.1 milionë avionë në vit.
Shkaku i identifikuar i problemit teknik ka qenë interferenca në frekuencat që përdor baza e NATS-it në Prestwick për të komunikuar me avionët.
Aeroporti i Edinburgh-ut i ka pezulluar të gjitha fluturimet gjer në zgjidhjen e problemit. /tesheshi.com/
