“Drejtësi për të gjithë!”, me këtë moto, mbi 200 qytetarë deri tani e kanë nënshkruar peticionin online për emërimin e prokurores speciale të PSP-së, Fatime Fetain për Prokurore Publike.
Por lajmi i keq për të gjithë adhuruesit e Fetait, është se ajo nuk i plotëson kushtet ligjore që të zgjidhet për Prokuror Publik sepse sipas ligjit për këtë funksion, kandidati duhet të ketë më së paku tetë vite përvojë në sistemin gjyqësor, ndërsa Fetai si prokurore punon 5 vite.
Ndërkohë Nenin 44 parasheh se për Prokurorë Publikë mund të emërohet, gjegjësisht zgjidhet personi i cili i plotëson kushtet:
“Të jetë shtetas i Republikës së Maqedonisë
të zotëroj mirë gjuhën maqedonase
të jetë i aftë për punë, të ketë aftësi shëndetësore
të ketë diplomë universitare si jurist i diplomuar në Republikën e Maqedonisë apo diplomë të nostrifikuar nga jashtë dhe
të ketë të kryer provimin e jurisprudencës në Republikën e Maqedonisë
Të ketë përvojë pune së paku 8 vite në sistemin gjyqësor pas dhënies së provimit të jurisprudencës, apo profesor universitar që ka ligjëruar më shumë se 10 vite lëndë juridike nga praktika gjyqësore”.
Qeveria në mbledhjen e fundit propozoi shkarkimin e Zvërlveskit i cili sipas kryeministrit Zoran Zaev ka ndikuar në shkatërrimin e shtetit të së drejtës dhe sundimit të ligjit.
“Le të jetë një zgjidhje ekspertësh. Ne thamë që të ketë propozim të qeverisë. Edhe opozita do të ketë gjasa të propozojë, ashtu siç kanë gjasa të propozojnë edhe fakultetet, prokuroritë, Prokuroria Publike Speciale, avokatët, të gjithë ata që mund të jenë kryerës aktiv në këtë proces”,tha kryeministri i Maqedonisë , Zoran Zaev.
Këshilli i Prokurorëve Publikë ka pranuar propozimin e qeverisë për shkarkimin e kryeprokurorit publik Marko Zvërlevski dhe në lidhje me atë pritet të vendosë gjatë javës së ardhshme.
Kryetar i Këshillit të Prokurorëve Publik të Maqedonisë, PetarAnevskika bërë të ditur se javën që vjen, më 13 qershor do të shqyrtohet propozimi në seancë ku anëtarët do të duhet që të deklarohen për këtë çështje.Këshilli ka afat prej 15 ditësh për t’u deklaruar në lidhje me këtë propozim, nëse është për ose kundër, duke arsyetuar qëndrimin përfundimtar.
“Sot e kemi marrë propozimin e Qeverisë për shkarkimin e Prokurorit Publik Shtetëror, Marko Zvërlevskit dhe për të martën kemi caktuar seancën e Këshillit të Prokurorëve Publik. Jam i sigurt që deri në fund të afatit ligjor prej 15 ditëve do ta dorëzojmë mendimin tonë në lidhje me propozimin për shkarkim. Nuk mund të them që tani, a do të jetë pozitiv apo negativ. Për këtë arsye janë lënë më shumë ditë që të mundet këshilli të diskutoj”, tha PetarAnevski, kryetar i Këshillit të Prokurorëve Publikë.
Përgatiti: Miradie Hasani – /tesheshi.com/
