Ambasadori amerikan, Donald Lu zhvilloi një takim me kryeministrin Rama në zyrën e këtij të fundit, ndërsa afatet e dhëna për “peshqit e mëdhenj” duket se po skadojnë njëri pas tjetrit.
Ndërkaq, ministri i Brendshëm Fatmir Xhafaj dhe kryeprokurorja e Përgjithshme Arta Marku kanë nënshkruar një memorandum bashkëpunimi për zbatimin e operacionit “Forca e Ligjit”. Pas takimit për rreth 1 orë me Markun, ministri Xhafaj me një deklaratë të shkurtër iu përgjigj interesit të gazetarëve të cilët e pyetën për peshqit e mëdhenj. “Kini durim!””, tha ai.
Memorandumi i bashkëpunimit ka të bëjë me krijimin e Task Forcës qendrore që do të ekzekutojë operacionin Forca e Ligjit
Prokuroria e Përgjithshme merr përsipër që të krijojë një seksion të posaçëm të përkohshëm në Prokurorinë për Krime të Rënda dhe Prokuroritë e Rretheve Gjyqësore Tiranë, Durrës, Elbasan, Shkodër, Vlorë, Fier, Korçë, Gjirokastër dhe Lezhë.
Gjithashtu, kompetenca e këtyre seksioneve do të jenë krimet në fushën e krimit të organizuar, trafikut të narkotikëve, korrupsionit, krimit në ekonomi, krimet e kryera nga subjekte të posaçme.
Prokurorët që do të caktohen në seksionet e posaçme do ti nënshtrohen paraprakisht procesit të vettingut. /tesheshi.com/
