Peshku “pa fytyrë” siç njihet nga shkencëtarët është një peshk i thellësive e asnjë ekzemplar i tij nuk ishte parë që prej më shumë se një shekulli. Por, shkencëtarët në Australi kanë gjetur një të tillë ndërsa eksploronin thellësitë e një humnere të madhe nënujore, në bregun lindor të Australisë, së bashku me sasi të jashtëzakonshme mbeturinash.
Peshku që ka një gjatësi prej 40 centimetrash u rizbulua rreth 4 kilometra nën sipërfaqen e detit në ujërat e Sidnejit nga një ekip shkencëtarësh të disa universiteteve dhe qendrave kërkimore.
Shefi i ekipit, Dr Tim O’Hara, tha se kjo është hera e parë që peshku në fjalë shihet në ujërat e Australisë që prej vitit 1873, kur një i tillë u nxorr nga uji nga një anije britanike në afërsi të Papua, Guinea e Re. /tesheshi.com/
