Nutricionistja australiane Susie Burrell beson se pavarësisht nga mënyra e ethshme e jetës, ka një mënyrë për të sjellë një rend në vaktet tuaja, sidomo për ata njerëz të mbingarkuar me punë në zyra,
“Njerëzit e mbingarkuar me punë kanë nevojë për një platformë të fortë ushqyese, për të punuar më mirë gjatë ditës”, tha ajo. Ajo ofroi një dietë që ruan energjinë dhe metabolizmin në një nivel optimal.
Rritni futjen e hekurit: Ju duhet të siguroheni që dieta juaj të jetë e pasur me hekur, dhe këtë mund ta gjeni në drithëra dhe barishte, si dhe në perime. Ajo rekomandon një sasi të vogël mishi, dy ose tri herë në javë. “Pjesë të vogla të mishit të grirë, mish qengji, salçiçce të hollë ose disa qofte, janë një mundësi e mirë për rritjen e sasisë së hekurit. Nëse dieta juaj është vegjetariane, pini lëng portokalli, hani perime jeshile dhe hani piper të kuq”, tha ajo.
Përfitimet e yndyrës omega 3: Këto yndyrna janë thelbësore për funksionin optimal të trurit dhe janë esenciale për shëndetin e zemrës. Edhe pse salmoni është i pasur me omega 3, rrallë konsumohet çdo ditë. Peshku si sardelet dhe ton është një mundësi e shkëlqyeshme.
“Nëse nuk jeni një tifoz peshku, atëherë konsumoni vaj peshku”, tha Susie.
Ushqimi i pasur me fibra: Ushqimet e pasura me lloje të ndryshme të fibrave janë thelbësore për funksionimin e mirë të zorrëve dhe heqjen e çrregullimeve të tretjes. Hani të paktën 30 gram fibra dietale në ditë, të cilat mund të merrni nëse hani banane, 2-3 servire me perime të përziera ose sallatë me bukë me kokërr dhe drithëra që konsumohen me qumësht në kafjall. Pini sasi të mjaftueshme uji.
Vitaminë D: Dielli është burimi më i mirë i kësaj vitamine, por në muajt e dimrit organizmi mbetet pa burimin natyror. Vezët, peshqit e konservuar dhe kërpudhat kanë vitaminë D, dhe lehtë mund të gjenden në tregje. Është gjithashtu e rëndësishme që të kaloni të paktën 10 minuta në ditë në diell.
Sigurohuni që të fusni magnez: Të rriturit kanë nevojë për shumë magnezi në baza ditore, veçanërisht ata që janë aktivë. Magnezi prodhon energji, formon proteinat, kontrollon kontraktimet e muskujve dhe komunikimin nervor.
“Magnez ka në banane, kokrra, arra, avokado dhe perime me gjethe. Është e nevojshme që të konsumohet çdo ditë në sasitë e rekomanduara”, tha Susie. /tesheshi.com/
