Kur mendoni se dikush ka disa miliona në llogarinë bankare, ndoshta keni bindjen se mund të blejë ç’të dojë.
Por ka disa gjëra që madje edhe milionerët nuk mund t’i përballojnë.
Business Insider ka lëshuar një listë të pesë gjërave që janë përtej mundësive dhe milionerëve, domethënë, vetëm multimilionerë shumë të pasur mund t’i kenë.
Superjahtet
Po, ju duket se të gjithë të pasurit janë me jaht, por kur bëhet fjalë për ato superjahtet luksoze multimilion dollarëshe, vetëm më të pasurit mund t’i kenë. Kjo pasi me anije të tilla, përveç çmimit fillestar astronomik, kanë dhe kosto shumë të larta mirëmbajtjeje që vetëm disa mund t’i përballojnë.
Avionë privatë
E njëjta gjë vlen edhe për avionët privatë. Ndërsa mund të duket sikur çdo milioner ka avionin e tij private për të fluturuar kudo në çdo kohë, vetëm ata shumë më të pasur se milionerët mund të përballojnë gjëra të tilla. “Mbajtja e një aeroplani nuk është për milionerët”, tha Chris Bataglia nga Meridian Aviation.
Klub sportiv
Vetëm më të pasurit nga më të pasurit mund të kenë mundësi të zotërojnë një klub sportiv të klasit botëror. Për shembull, në vitin 2014 Steve Balmer bleu “LA Clipperse” për 1 miliardë dollarë.
Mirëmbajtja e përhershme e shtëpisë
Jo, jo të gjithë milionerët kanë shërbim të përhershëm në shtëpitë e tyre. Ok, ata ndoshta mund të lejojnë disa ndihmë rreth shtëpisë, por ata nuk mund të përballojnë të bëjnë gjithçka tjetër për ta sepse kushton shumë para. Një staf me kohë të plotë, që nga menaxheri, kuzhinierët, e deri te pastrueset, mësuesi, dadoja e shoferi, do të kushtonte 1 milion dollarë deri në 2 e gjysmë milion në vit.
Bunkerët e “fundit të botës”
Ju i njihni ata ekscentrikët që po përgatiten për “fundin e botës” duke ndërtuar komplekse të çuditshme dhe bunkerë? Ata duhet të fitojnë shumë para për diçka të tillë. Kohët e fundit Bloomberg shkroi se miliarderët po blenë bunkerë në Zelandën e Re, disa prej të cilave kushtojnë rreth tetë milion dollarë. Ato janë pak më luksoze, pasi ka që kushtojnë deri në 20 milion dollarë. /tesheshi.com/
