“The Guardian” sjell këtë të diel një përzgjedhje fotografish që sjellin përmbledhjen e ngjarjeve të 24 orëve në të gjithë botën. Mes tyre janë fotografi mbresëlënëse nga konfliktet që vijojnë, por edhe nga festimet e pranverës, si Karnavalet dhe jo vetëm nga rrugët e famshme të Venecias.
Gjatë festimeve të Javës së Gjalpit në Moskë, një festë që shënon fillimin e pranverës, në festivalin Maslenitsa digjet skulptura gjigande e Nikolay Polissky e krijuar me dru dhe bar të thatë.
Mikhail Kasyanov, një lider opozitar rus fshin fytyrën pasi drejt tij u hodh bojë e gjelbër gjatë një marshimi që shënoi përvjetorin e dytë të vrasjes së kritikut të Kremlinit, Boris Nemcov.
Në Spanjë, Mascaritas mbuluar në vaj e dekoruar me brirë demi, merr pjesë në një festim karnavalesh.
Irakianë të zhvendosur nga luftimet në Mosul largohen nga shtëpitë në pjesën perëndimore të qytetit.
Duma, një anëtar i vullnetarëve të mbrojtjes civile në Siri mban një vajzë të plagosur mes rrënojave, pas një sulmi ajror qeveritar mbi qytetin që mbahet ende nga kryengritësit.
Në Chennai, Indi, burra dhe djem hindu me trupat e shpuara nga radhë limonash presin të bëhen pjesë e një procesioni për të shënuar Shivratri.
Në Malajzi, një ekip hazmat kontrollon terminalin e aeroportit, ku u vra me një agjent kimik vdekjeprurës, Jong-nam, gjysmë-vëllai i Kim Jong-un.
Në Londër, policia në Bellingham kontrollon vendin e ngjarjes ku një makinë u përplas me murin dhe këmbësorët, duke plagosur pesë persona.Gjykatësit vështrojnë Hannu Manninen, në Finlandë, tek performon në kampionatin botëror të skiive.
Në Sao Paolo, një kërcimtare nga shkolla e sambës “Imperio de Casa Verde” mbërrin në paradën e Karnavaleve në Sambadrome.
Kinë, një shitës rruge merr një sy gjumë ndërsa shet në kioskën e tij në tregun e produkteve kulturore që pritet të mbyllet në mars.
Në Hemmingford, Kanada një familje kolumbiane mbahet e ndaluar nga policia pasi kishte kaluar ilegalisht kufirin afër Kebekut. Policia raporton për një rritje domethënëse të kalimeve të paligjshme të kufirit nga Shtetet e Bashkuara.
Në Venecia, klientët me kostume e maske japin porositë në një bar në sheshin San Marco, gjatë aktivitetit “Fluturimi i shqiponjës” së Karnavaleve.
