Ish-Presidenti i SHBA Donald Trump, i pezulluar nga Twitter, Facebook dhe faqet e tjera të mediave sociale pas sulmit në Capitol Hill më 6 Janar, planifikon të nisë platformën e tij brenda dy deri në tre muaj, tha një nga këshilltarët e tij të lartë për Fox News.
Jason Miller, një zëdhënës i fushatës së Trump në vitin 2020, i tha rrjetit se Trump do të hynte sërish në hapësirën e mediave sociale me një platformë të re të vetën që ai tha se do të “ripërcaktojë plotësisht lojën”.
Twitter tha javën e kaluar se ishte duke rishikuar politikën dhe duke marrë parasysh nëse udhëheqësit duhet t’i përmbahen të njëjtave rregulla si përdoruesit e tjerë.
Facebook, i cili pezulloi Trump për një kohë të pacaktuar në janar, i kërkoi bordit të tij të pavarur mbikëqyrës të vendosë nëse ndalimi duhet të jetë i përhershëm. /tesheshi.com/
