Duke përkujtuar rënien e Jasharajve në 22-vjetorin e epopesë të famshme, presidenti Thaçi përcolli një mesazh paralajmërues për Beogradin, se ushtria kosovare do ketë së shpejti armatim amerikan.
“Ju do të pajiseni me pajisjet më moderne të një ushtrie bashkëkohore. Dhe ky ishte mesazhi dhe diskutimi im edhe në Pentagon ditë më parë, për forcimin e ushtrisë së Kosovës me pajisjet më moderne që do t’i ketë një ushtri në rajonin tonë”, tha Thaçi, duke e militarizuar dhe më tepër gjuhën .
”Ata që kërcënojnë Kosovën duhet ta kuptojnë njëherë e përgjithmonë, ata që kërcënojnë vendin tonë nuk do të shkelin në vendin tonë por përgjigjien do ta kenë nga Kosova në territorin e tyre”, theksoi presidenti i Kosovës, duke mbajtur një fjalim si Komandant Suprem i Ushtrisë së Kosovës.
“Të nderuar ushtarë të Kosovës ju jeni trashëgimtar të sukseshëm të UÇK-së. Me luftën heroike të UÇK-së Kosova u çlirua dhe u bë vend i lirë. Kosova me sukses kaloi fazën e tranzicionit.
Për 12 vjet të pavarësisë shënuam të arritura të jashtëzakonshme si asnjë vend në botë. Kosova është storje e suksesshme. Secili qytetar do duhet të ndihet mirë për rolin e vet. Kosova e ka të qartë rrugën e vet përpara”, ishin fjalët e Thaçit para qindra unformave të gjelbërta. /tesheshi.com/
