Prej dje, e përditshmja Tema ka publikuar dokumenta ekskluzive që tregojnë se ish-ministri i Brendshëm në qeverinë e PD-së, Flamur Noka, njëherësh deputet dhe n/kryetar i komisionit të sigurisë në parlament, ka marrë një ofertë nga UDB-ja jugosllave për të qenë bashkëpunëtor i saj.
Është fjala për vitet e para ’90-të, kur Noka, është kapur pas një kalimi të paligjshëm kufiri në ish-Jugosllavi, e që më pas ka përfunduar në zyrat e UDB-së. Dhe e gjitha çfarë ka ka ndodhur me të, është trajtuar dhe nga autoritetet shqiptare të Rendit, të cilat e kanë dokumentuar gjithçka ka ndodhur me të.
Dhe aludohet se derisa në dokumenta nuk ekziston mohimi që Noka i ka bërë ofertës për bashkëpunim nga UDB-ja, atëherë mundet që ai, në gjithë këto vite, të ketë qenë në shërbim të agjencive sekrete, tashmë serbe, pasi ato jugosllave nuk ekzistojnë më.
Por jo vetëm kaq, pasi sipas ligjit të dekriminalizimit, Noka duhej ta raportonte këtë rast në formularin e tij personal, pasi është fjala për një arrestim, gjë të cilën nuk e ka bërë.
Dhe në trajtimin që Tema i bën rastin në fjalë, thekson habinë e madhe se përse PS-ja, për të cilën ky është një rast i artë politik për të goditur një prej figurave më aktive të llogores së opozitës, hesht prej dy ditësh dhe nuk prononcohet. /tesheshi.com/
