Kryetari i bashkisë së Elbasanit Qazim Sejdini është vënë në qendër të vëmendjes kohët e fundit në lidhje me situatën e rënduar kriminale në këtë qytet, e madje opozita shqiptare ka kërkuar shkarkimin e tij.
Një luftë mes dz fiseve përflitet se ekziston prej vitesh në Elbasan, e Sejdini, akuzohet se ka lidhje me njërin prej tyre, përmes dhëndrit të tij, Sokol Sanxhaktari, që akuzohet nga Partia Demokratike, se ka lidhje me pjesëtarë me rekorde kriminale.
Një mesazh kërcënues në shenjë hakmarrje mes fiseve e ka quajtur ish-kryeministri Sali Berisha mesazhin që ju raportua në Facebook nga një qytetar nga Elbasani, sipas të cilit, Qazim Sejdinit i kishin cuar në shtëpi një arkivol! Gazetari investigativ Artan Hoxha tha pak ditë më parë se kryebashkiaku është marrë në mbrojtje nga policia, ku thuhet se ai lëviz me masa të shtuara sigurie.
Sejdini është pyetur mëngjesin e sotëm nga Neës 24, në nisje të Asamblesë Kombëtare të Partisë Socialiste, nëse kishte një koment në lidhje me ngjarjet në këtë qytet.
Po rai është përgjigjur shkurt, duke shmangur replikat politike. “Të funksionojë drejtësia, të flasë drejtësia”, ishte komenti i shkurtër i Sejdinit.
Dhëndrri i tij, Sokol Sanxhaktari, së bashku me personin e shpallur në kërkim tashmë, Suel Çela, u akuzuan nga Partia Demokratike se kanë goditur me makinë të blinduar automjetin e zv.drejtorit të Policisë së Elbasanit, disa ditë më parë, ngjarje që mori përmasa të mëdha dhe instaloi në këtë qytet forcat speciale.
Policia ka arrestuar për këtë ngjarje Ena Bekteshin, duke e akuzuar atë si personin që ka qenë në timonin e Audit që përplasi policinë dhe më tej u largua në tregun Agro-Ushqimor në Elbasan, pa u ndjekur nga uniformat blu.
Ai u arrestua disa ditë më parë në Cërrik ku ju gjet dhe lëndë narkotike, në banesën e kunatit të tij. /tesheshi.com/
