Ambasadori i Serbisë në Shqipëri, Miroljub Zariq ka deklaruar gjatë një takimi të përbashkët me Konfindustrian se së shpejti brenda vitit do të ngrihet një Dhomë e Industrisë dhe Tregtisë mes Shqipërisë dhe Serbisë.
Deklarata është bërë gjatë një takimi mes biznesit serb dhe Konfindustria-s shqiptare.
Kryetari i Konfinduastria-s, Gjergj Buxhuku, deklaroi se biznesi mes Serbisë dhe Shqipërisë varet shumë nga Kosova.
Sipas të dhënave të INSTAT, Shqipëria ka eksportuar dy vite më parë 11.8 milionë euro në Serbi por ka importuar 168 milionë euro pra 15 herë më shumë.
Por bën çudi fakti se deklarata e ambasadorit Zariç, bëhet vetëm disa muaj pas lançimit të një dhome tregtie mes Shqipërisë dhe Serbisë që u inagurua nën prezencës e kreut të Dhomës së Tregtisë së Tiranës, Nikolin Jaka. Madje në dhjetor të 2015, u zgjodh dhe kryetari i kësaj dhome, biznesmeni, Vladimir Çuka.
Por burime të tesheshi.com, bëjnë të ditur se kjo dhomë ka mosmarrëveshje për çështje “të koklavitura” me ambasadën serbe në Tiranë.
Siç mësohet një drejtues i një enti publik mediatik në Shqipëri, i mbështetur dhe njga një forcë e rëndësishme politik synon ta marrë në dorë drejtimin e dhomës, në mënyrë për të kontrolluar biznesin me Serbinë, i cili qarkullon qindra milionë euro në vit.
/tesheshi.com/
