12 turistë portugezë kanë vdekur dhe dy persona me nacionalitet italian kanë ngelur të plag0sur rëndë gjatë një incidenti rrugor të ndodhur gjatë natës që lamë pas në qendër të Francës, sipas raportimeve të ditës së sotme të mediave franceze.
Një minibus që vinte nga Zvicra në Portugali është përplasur me një kamion në të cilin udhëtonin dy italianë, të cilët janë plagosur rëndë dhe ndodhen në gjendje shoku.
Incidenti ka ndodhur pak para mesnatës në rrugën 79 të Montbeugny në departamentin Allier në rajonin Alvernia. Nga ngjarja ka arritur të shpëtojë i gjallë drejtuesi i minibusit, i cili është plagosur por nuk ndodhet në rrezik për jetën.
Sipas dëshmisë së dy italianëve, siç raporton La Montagne, autobusi është anuar papritur në të majtë duke përfunduar përballë kamionit të tyre. /tesheshi.com/
