Nuk është thjesht një 19-vjeçare që ka vrarë të atin në Durrës, me shkak refuzimin për t’u martuar me zorr, por janë tre fëmijë që e kanë kryer këtë akt, heqjen qafe të atyre që u kishte bërë kokën. Nga Policia është zbuluar se Pëllumb Meta, 49 vjeç, u qëllua nga i biri 24-vjeçar, Hysen Meta.
“Nga hetimet konkluduam se më 22 shkurt nuk kishim të bënim me zhdukjen e një personi per me krim në familje. U gjet trupi i viktimës i varrosur në ambientet e brendshme të banesës së viktimës. Ekspertiza konkludoi vrasjen e tij me armë zjarri. Nga të gjithë provat e siguruara u gjendën provat dhe arrestuam Hysen Metën, Hygerta Metën, të dy fëmijë të viktimës që kanë qenë bashkëautorë në këtë krim. Amarildo Meta 22 vjeç është arrestuar i cili me veprimet e tij ka ndihmuar në këtë krim”, njofton policia e Durrësit në një konferencë për shtyp.
Policia sqaroi se vrasja ka ndodhur në një prej dhomave të banesës dhe më pas trupi është transportuar dhe varrosur në një kasolle, brenda oborrit të shtëpisë.
Në banesë është gjetur edhe një predhë e armës së zjarrit me të cilën është kryer krimi si edhe pjesë kallashnikovi. Pas vrasjes, autorët kishin zhdukur armën model 54. Ajo u gjet në një zonë moçalore në vendin e quajtur Vaskat. Ndërkohë, është sekuestruar municioni luftarak si dhe rrobat e përdorur në krim.
Në 10 shkurt të këtij viti, djali, 24-vjeari Hysen Meta kishte shkuar në Polici për të denoncuar zhdukjen e të atit. Policia ka nisur hetimet dhe nga marrjet në pyetje të familjarëve, u arrit në përfundimin se nuk ishte një zhdukje, por me vrasje në familje. Ajo që çoi efektivët drejt autorëve ishte makina që përdorte Pëllumb Meta, e cila u gjet në Shënavlash sektori 1. Kjo shërbeu për të ngritur mjaftueshëm dyshime mbi autorët e mundshëm dhe në 22 shkurt, pra një ditë më parë u mësua se Pëllumb Meta ishte vrarë nga fëmijët e tij.
Ky krim, sipas fëmijëve vrasës, është kryer për shkak të konflikteve të vazhdueshme në familje, ku sipas tyre, babai ushtronte diktat mbi ta, siç në rastin e të bijës, Hygertës, që pretendohet se donte ta fejonte me zorr.
Tashmë pritet të zbardhet roli i së shoqes së viktimës në këtë krim, pra nënës së fëmijëve vrasës. /tesheshi.com/
