Epidemiologu i Harvardit Marc Lipsitch u intervistua nga revista gjermane Der Spiegel, duke thënë se “përhapja e virusit nuk mund të ndalet më” dhe se duhen marrë masa drastike.
Lipsitch parashikon që deri në 60 përqind të njerëzve mund të infektohen me koronavirus, duke përmendur shfaqjet aktuale, dhe hedh poshtë kritikat se është një përçues paniku.
“Nëse kemi një numër riprodhues të kësaj sëmundjeje infektive prej rreth dy, që do të thotë se një person i infektuar infekton edhe dy, kjo do të thotë se të paktën gjysma e popullsisë së rritur do ta marrë virusin para se të ndalet përgjithmonë. Kjo është matematika themelore në këtë epidemi”, tha Lipsitch.
Ai shton se është detyrë e epidemiologut të marrë në konsideratë skenarin e rastit më të keq në mënyrë që të inkurajojë ata që janë përgjegjës të veprojnë.
Lipsitch thekson se një nga problemet me COVID-19 është se ka pacientë asimptomatikë dhe se numri i vërtetë i tyre do të jetë në gjendje të dihet vetëm kur përfundon epidemia.
“Unë nuk mendoj se virusi mund të ndalet më. Është tepër vonë për këtë. Në SHBA dhe Gjermani, kemi parë shembuj të transmetimit të virusit të palidhur me diçka të njohur. Eshtë një shenjë që gjërat janë jashtë kontrollit në disa zona”, thotë Lipsitch, duke shtuar se është e efektshme të karantinohen qytete të tëra, siç ka bërë Kina.
P.S. Fjala “panikaxhi” e vënë në titull nuk ekziston në fjalorin shqip. Por ajo është përdorur në një film shqiptar, pikërisht te filmi “Vendimi”, ku në një mbledhje qarkori komunist, dikush aty paralajmërohet se partia do e trajtojë si panikaxhi, nga fakti se i trembej operacioneve fashiste dhe e pëhapte frikën e tij ndër shokë të njësitit. /tesheshi.com/
