Është përkujtuar në Durrës 76-vjetori i rezistencës ndaj pushtimit italian. Në ceremoninë zyrtare merrnin pjesë kryetari i Bashkisë së Durrësit Vangjush Dako, kreu i Qarkut Alfred Mullaraj, Prefekti Roland Xhelilaj, deputetja Klodiana Spahiu, kreu i Këshillit Bashkiak Alban Ramohitaj, veteranë dhe shumë qytetarë durrsakë, të cilët kanë bërë homazhe pranë bustit të Mujo Ulqinakut, ku kanë vendosur edhe kurora me lule.
Kryebashkiaku i Durrësit Vangjush Dako u shpreh se Shqipëria ishte një vend i pasur me gra e burra idealistë dhe se ata ishin krismat e para antifashiste në Evropë, ndërkohë që e gjitha bota rrezikohej nga çizmja e fashizmit. Të pranishit vlerësuan aktin heroik të Mujo Ulqinakut me shokë, që sa mundën, i drejtuan armët pushtuesit, dukë dhënë më pas jetën për liri.
