Kreu demokrat Basha ka tentuar të “vjelë frytet” e përgjimeve të dala në gjermanen Bild, të cilat, për kohën dhe vendin, japin të kuptuar për një skemë lidhjeje mes një pjesë prokurorësh dhe opozitës, ndonëse Basha shkrua: “Përgjimet që mbahen peng nga prokuroria e kontrolluar prej Edi Ramës”.
Basha, duke marrë të mirëqena jo atë që flitet në përgjime por pëkthimin e tyre, sidomos te teza e blerjes së votave, ka shkruar një status me anë të të cilit përcjell bindjen se zgjedhjet e 2017-ës kanë nxjerrë një qeveri ilegjitime, që është dhe argumenti ku ai ka ndërtuar kauzën e djegies së mandateve
“6 përgjimet e publikuara nga media gjermane si pjesë e dosjes 339/1 janë radiografia e pushtetit mafioz dhe ilegjitim të Edi Ramës.
Bisedat tregojnë fuqinë e krimit të organizuar:
- Për të ndikuar në emërimin e deputetëve dhe të kryebashkiakëve të PS.
- Për të blerë votat për llogari të Edi Ramës sipas objektivit të caktuar prej tij.
- Për të urdhëruar administratën publike të identifikojë kundërshtarët politikë të Edi Ramës, që t’i kërëcënojë për votën e tyre.
- Për të marrë favore shtetërore në kundërshtim me ligjin.
- Për t’u informuar për axhendën politike brenda dhe jashtë vendit të kryeministrit.
Përgjimet që mbahen peng nga prokuroria e kontrolluar prej Edi Ramës, janë konfirmim i pakundërshtueshëm se:
- Parlamenti i dalë nga zgjedhjet e vitit 2017 është produkt i krimit të organizuar.
- Qeveria e Edi Ramës është ilegjitime.
- Me Edi Ramën nuk mund të ketë zgjedhje të lira e të ndershme”, shkruan ndër të tjera Basha. /tesheshi.com/
