Kreu i Komisionit të Ligjeve Ulsi Manja ka qenë zëri më i fortë nga mazhoranca që ka reaguar për daljen në Bild-in gjerman të të tjera përgjimeve nga Dosja 339. Sipas tij, kemi hem thyerje ligji nga Prokuria – me bindjen logjike se prej atyre kanë dalë – e hem një përdorim politik.
“Është koha që Prokuroria dhe Policia Gjyqsore të vlerësojnë çështjet e daljes në publik të sekretit hetimor dhe të kthehen në zbatimin e ligjit penal dhe procedurial jo vetëm për të hetuar personat e përfshire në dosjen 339 por edhe për të hetuar të gjithë prokurorët dhe oficerët të Policisë Gjyqësore që kanë braktisur detyrën duke marrë dhe çuar dosjet penale në zyrat e PD duke thyer sekretin hetimor. Sekreti hetimor është vepër penale e dënueshme. Është detyra e Prokurorisë të hetojë brenda radhëve të veta. Është koha për t’u ndarë me prokurorë të papërgjegjshëm është sot. Për këtë kemi marr një reformë të madhe në Drejtësi”, tha Manja, që me tej vijoi:
Jam i shqetësuar edhe për përdorimin politik të dosjes 339 që e ka kthyer në kauzë politike që po na kthen si në diktaturë në gjyqe publike. Nuk e di nëse ka akoma ndonjë gjë pa dalë nga Dosja 339. Por megjithatë unë në fakt nuk kam dëgjuar të flitet as për vota, as për lek, as për licenca”.
Sipas Manjës, mazhoranca nuk po abuzon me opozitën siç po bën kjo e fundit.
“Në mes të protestuesve të PD kishte trafikantë të dënuar. Kanë dalë edhe përgjime me 200 mijë euro copë, shpresojmë që SPARK t’i çojë deri në fund. Por kemi edhe 1 milion dollar për lobime, por kjo nuk përbën asgjë për opozitën. Kushdo që është përfshirë në vepra penale të marrë ndëshkimin sipas ligjit. Koha me thashetheme duhet të marr fund. Është sikur të them unë a ka ndërhyrë Basha për lirimin e një personi në 2017 për të liruar një të burgosur? Të mos e mbarsin opinon me konflikkte të panevojshme”, ka thënë zyrtari i lartë socialist. /tesheshi.com/
