Ndër tezat që Izraeli kërkon të injektojë në publik, me paskrupullsinë që e karakterizon, e ka natyrë të parë, nga e cila ka pranuar me kënaqësi të infektohet kryeministri Rama, është se fajin për atë që ndodh në Gaza e ka – pabesueshme por e vërtetë – Hamasi. Pra, sipas kësaj teze, sa idiote aq dhe të ligë, mos kishte qenë Hamasi, Gaza do ishte e lumtur nën pushtimin izraelit(!). Por cc’po ndodh aty ku nuk ka Hamas, edhe pse ka sigurisht rezistencë palestineze, ama pa tunele, pra në Bregun Perëndimor?
Të martën, forcat izraelite pushtuese filluan një fushatë bastisjesh dhe arrestimesh në qytete dhe fshatra në të gjithë Bregun Perëndimor.
Ushtria izraelite bastisi disa qytete ku arrestoi shumë të rinj palestinezë. Bastisjet u kryen në Nablus, Jerusalem, Hebron, Adh Dhahriya, Betlehem…
Forcat izraelite shkatërruan një xhami në kampin Jenin, në Bregun Perëndimor verior. Burimet lokale raportuan se ushtria izraelite shkatërroi xhaminë “Hamza” në kamp, si pjesë e agresionit ndaj qytetit të Jeninit dhe kampit të tij për të tetën ditë radhazi.
Forcat izraelite bastisën gjithashtu shtëpitë në një zonë të njohur si Al-Hisan, në lindje të kampit dhe i detyruan banorët të largoheshin nga shtëpitë e tyre, në përgatitje për prishjen e tyre.
Ndërkohë që buldozerët e pushtimit vazhdojnë të hapin rrugë thellë brenda kampit Jenin, veçanërisht në zonën e njohur si Rruga Mahyoub, prishja dhe shkatërrimi i infrastrukturës vazhdon në lagjet Al-Hawashin dhe Al-Aloub.
Për të tetën ditë, agresioni izraelit kundër palestinezëve dhe pronës së tyre në qytetin Jenin dhe kampin e tij ka vazhduar, duke rezultuar në vdekjen e 16 palestinezëve, duke përfshirë një vajzë, dhe plagosjen e 50 të tjerëve, si dhe shkatërrimin dhe djegien e 100 shtëpive brenda kampit. /tesheshi.com/
