Një ngjarje e rëndë ka ndodhur mbrëmjen e së enjtes në zemër të Pragës, kryeqytet i Çekiës, ku nga të shtënat e një personi në taracën e Fakultetit Filozofik në Universitetin Charles ka disa jetëhumbje, flitet për 11 sosh, si dhe afro 30 të plagosur.
“Sipas informacioneve që kemi, sulmuesi duhet të jetë i vdekur”, tha ministri i Brendshëm Vit Rakusan. “Një autor i dytë nuk është konfirmuar”, shtoi ai.
“Në bazë të informacionit fillestar mund të konfirmojmë se ka të vdekur dhe të plagosur në vendngjarje”, tha policia e Pragës në Twitter.
“Si rezultat i të shtënave, ne dërguam disa ekipe shpëtimi në vendin e krimit. Kemi një numër të madh të plagosurish”, tha një përfaqësues i Shërbimit të Shpëtimit të Pragës. “Numri i saktë nuk dihet ende,” shtoi ai.
BREAKING: Shooting with multiple fatalities at Charles University's Faculty of Arts in Prague pic.twitter.com/Rs0u9RHsXi
— BNO News (@BNONews) December 21, 2023
Sipas një profesori që jep mësim në universitet, studentët dhe stafi morën një e-mail të enjten pasdite për të qëndruar në një vend të sigurt brenda institucionit. “Qëndroni në katin e dytë, të shtënat po ndodhnin në katin e katërt”, tha ai për mediat lokale, duke shtuar se janë dëgjuar një numër i madh të shtëna.
#BREAKING: Mass shooting reported at a university in Central Prague, Czech Republic. Multiple killed and injured. pic.twitter.com/pVgQKdQ06I
— Hexdline (@HexdlineNews) December 21, 2023
Punonjësit e Shkollës së Arteve, e cila gjithashtu ndodhet në të njëjtën rrugë me Universitetin Charles, morën një e-mail të ngjashëm. “Qëndro aty ku je, mos shko askund. Nëse jeni në zyra, mbyllni ato dhe vendosni mobiljet para dyerve. Fikni dritat, autori ka të ngjarë në katin e katërt të pallatit në sheshin Jan Palach”, thuhet në e-mail.
Universiteti Charles në Pragë ose i njohur historikisht si Universiteti i Pragës është universiteti më i vjetër dhe më i madh në Republikën Çeke. Është gjithashtu një nga universitetet më të vjetra në Evropë që kanë qenë në funksion të vazhdueshëm që nga dita e themelimit. Universiteti përbëhet nga 17 fakultete, ku 14 janë të vendosura në Pragë. /tesheshi.com/
