Vendimi i Komisionit për rivarrimin e eshtrave të Heroit Kombëtar Isa Boletinit në Vlorë, ka përçarë pasardhësit e Isa Boletinit. Në anën tjetër qytetarët e Mitrovicës dhe fshatrave përreth janë të një mendimi se eshtrat e Boletinve duhet të rivarrosen në Boletin, duke kërcuar edhe me protesta.
“Qytetarët e Mitrovicës kërkojnë që eshtrat e heroit të kombit Isa Boletini të varrosen në fshatin e tij të lindjes në Boletin,kështu të respektohet amaneti I tij” . Këto komente janë bërë të enjten në një debat të organizuar në qendrën e kulturës “Rexhep Mitrovica “në Mitrovicë. Vendimi që është marrë që eshtrat e Isa Boletini të rivarrosen në Vlorë është I turpshëm dhe I papranueshëm për qytetarët e Mitrovicës.
Kryetari i komunës së Mitrovicës Agim Bahtiri, ka thënë se vendimi që eshtrat e Isa Boletinit të rivarrosen në Vlorë, është i turpshëm e i papranueshëm.
“Ne do t`i drejtohemi Qeverisë së Kosovës, Kuvendit të Kosovës, sepse është në të drejtën tonë që eshtrat e birit ton Isa Boletinit t’i rivarrosim ne, pra aty ku ka lindë në Boletin, ku ka hëngër, ka pirë, ku ka folë shqip dhe ka luftuar shqip”, ka thënë Agim Bahtiri.
Qytetarët duhet ta ruajnë qetësin, nëse ka nevoja unë do t’iu ftojnë në protesta.
“Po vërej se në qytet ka shumë tension rreth eshtrave të Isës, por ne qytetarët e Mitrovicës duhet të shkojmë rrugës institucionale, por nëse është nevoja unë do ju thërras në protesta dhe gjithë së bashku do të shkojmë për Prishtinë” iu ka thënë Bahtiri, qytetarëve të tubuar në Qendrën e Kulturës ‘Rexhep Mitrovica’ në Mitrovicë.
Në anën tjetër analisti mitrovicas Nexhmedin Spahiu, ka ftuar qytetarët e Mitrovicës të jenë të bashkuar rreth institucioneve komunale.
“Mitrovica nuk do ta lejojë një poshtërim të tillë dhe ju ftojë të gjithëve bashkëqytetarë të nderuar që të qëndrojmë përkrah qëndrimit institucional, qëndrimit të Kryetarit të Komunës që eshtrat e Isa Boletnit të rivarrosen më 10 qershor 2015 në Boletin” ka thënë Spahiu.
Ndërsa personi që ka kthyer eshtrat e Isa Boletinit në Kosovë, kërkon që amaneti i Isa Boletinit duhet të dërgohet në vend.
“Të gjithë shqiptarët e kanë obligim që amanetin e Isa Boletinit ta dërgojnë në vend, aty në Boletin ku do të pushojnë eshtrat e tij” ka thënë Mulla Asllan Murati. Murat është njëri nga personat që ka shkuar dhe I ka tërhequr eshtrat e Boletinve nga Podgorica dhe për shumë vite i ka mbajtur në oborrin e shtëpisë së tij në fshatin Zhabar të Mitrovicës.
Familjarët e Isa Boletinit janë të përçarë rreth vendimit të marrë nga Komisioni për rivarrimin e eshtrave të Heroit kombëtar në Vlorë.
Tafil Peci, i afërm i Isa Boletinit ka theksuar se “vetëm Gazmendi, është për ti rivarrosur eshtra e Isës në Vlorë, të gjithë të tjetër jemi kundër gjë që ka bërë që edhe familja të përçahet”. “Gazmendi sot është në Trianë dhe për vendimin e tij kokë në veti familja e gjerë nuk dinë asgjë” ka thënë Tafili.
Edhe qytetarët e Mitrovicës pa dallim, profesion, feje apo partie ishin të pajtimit që eshtrat e Isa Boletinit duhet të rivarrosen vetëm në Boletin e jo në Vlorë. Ndërsa nesër Kuvendi Komunal i Mitrovicës do të mbajë seancë të jashtëzakonshme për këtë çështje.
Pas caktimit të disa datave për rivarrim dhe si duket nga pamundësia e Republikës së Kosovës, që eshtrat e Heroit të Kombit, Isa Boletinit të rivarrosen në vendlindjen e tij në Boletin të Mitrovicës, Republika e Kosovës, vend i cili është duke u kontrolluar nga strukturat paralele serbe, ka aktivizuar edhe Ministrinë e punëve të Jashtme që të fillojë dhe të përfundojë negociatat me Republikën e Shqipërisë që përfundimisht eshtrat e Isa Boletinit të rivarrosen në Vlorën e Ismail Qemalit me 10 qershor 2015
