Një baba është thirrur në vendin e një përplasjeje fatale duke mos ditur se djali i tij kishte humbur jetën tragjikisht në aksident.
Në fillim të këtij muaji, autoritetet konfirmuan për WBNG se 29-vjeçari Tyler Beschorner vdiq pasi u përplas nga një makinë në Route 363 në Binghamton, New York.
Babai i Tyler, Cory Beschorner, punon për Departamentin e Transportit të Shtetit të New York-ut dhe u thirr në punë atë mbrëmje për të ndihmuar me mbylljen e rrugëve pas përplasjes fatale.
Babai i pikëlluar i tha WBNG se nuk e dinte që djali i tij ishte personi që vdiq.
“Ky është një nga ankthet tona më të këqija,” tha Cory.
“Kur po organizoheshim, thoshim se bota e dikujt do të kthehej përmbys sonte. Dhe kurrë s’do më shkonte mendja se do ishte bota ime, e familjes sime.”
Familja e Tyler është e dëshpëruar për për atë që ndodhi, por nuk nxiton të fajësojë dikë.
Shanay Beschorner, nëna e Tyler, tha: “Unë nuk dua të jem një njeri që urrej dikë. Dhe sado e tronditur dhe e dëshpëruar, nuk do të ndryshojë asgjë ose nuk do ta kthejë më tim bir”.
Djali shtatë vjeçar i Tyler-it, Jayden, po “lufton” pa babanë e tij, sipas Shanay.
“Është e vështirë për të. Ai vazhdon të thotë se është vetëm. Por unë i them: ‘Jo! Ti na ke ne, të gjithëve’”, shtoi ajo.
Departamenti i Policisë Binghamton i tha WBNG se hetimi i tyre për aksidentin dhe vdekjen e Tyler është në vazhdim.
Ndërkohë, një mik ka hapur një faqe GoFundMe për të ndihmuar familjen e Tyler me shpenzimet e funeralit.
Mbledhja e fondeve thotë: “Tyler ishte 29 vjeç me gjithë jetën përpara tij. Jayden Beshorner, djali i tij, ishte qendra e botës për të, dhe po ashtu Tyler ishte qendra e botës për të birin e tij.
Ai ishte i dashur nga shumë njerëz gjatë gjithë jetës së tij dhe me të vërtetë dinte të ndriçonte atmosferën në çdo ambient ku hynte. Ai kishte një dashuri të thellë për miqtë dhe familjen e tij. Personaliteti i tij aventurier magjepsi pothuajse të gjithë ata që takoi gjatë viteve.” /tesheshi.com/
