Cristiano Ronaldo fitoi Europianin këtë verë me Portugalinë, i pari sukses i madh për kombëtaren e vendit të tij. Më herët ai pati fituar dhe trofeun e Champions League-s me Realin e Madridit, duke i bërë bashkë të fituara dy trofetë më të rëndësishëm të vitit.
Çmimet gjithashtu nuk kanë munguar për të, me të fundit të fituar një ditë më parë, “Globe Soccer Awards”, që shoqëroi Topin e Artë.
“Ky qe mbase viti im më i mirë deri tani, individualisht dhe kolektivisht,” është shprehur lojtari i Realit të Madridit në një mesazh filmik.
“Ne fituam Champions League-n me Realin e Madridit, fituam për herë të parë një titull të madh me ekipin kombëtar të Portugalisë, unë fitova Topin e Artë, Kupën e Botës për Klube. Nuk mund të kërkoj më shumë!”
“Njerëzit që dyshojnë ende tek unë, te Reali dhe te përfaqësuesja, e kanë tani provën. Ne fituam gjithçka”, thuhet në mesazhin e numrit 7 të madrilenëve.
“Ka qenë një vit i mahnitshëm, dhe unë jam shumë i lumtur. Dua të falënderoj shokët e ekipit të përfaqësueses dhe të Realit të Madridit,” përfundon Ronaldo. /tesheshi.com/
