Atmosfera e ditës së zgjedhjeve në kryeqytet, ndihmuar dhe nga një mot i vërtetë pranveror, u cenua nga një incident i pazakontë, gati me natyrë terroriste.
Një i ri, siç u vërtetua më pas i droguar, zhvendosi barrierat mbrojtëse në sheshin “Skënderbej” dhe u fut mes turmës së njerëzve duke rrezikuar jetën e tyre.
Ka qenë ndërhyrja guximtare e dy të rinjve që shmangu ndoshta një tragjedi.
I riu i droguar është identifikuar si Arben Qazimi, 35-vjeç banues në Kombinat, i cili u neutralizua nga Klodian Elqeni, 22 vjeç.
Sipas Policisë rezulton se agresori ishte në gjendje shumë të dehur dhe i droguar, pasi në automjet janë gjetur edhe disa doza lënde narkotike, ndërsa para se të futej në shesh, ai ka përplasur edhe disa automjete të tjera.
Pas ngjarjes, dy të rinjtë që shmangën tragjedinë e mundshme, janë pritur në selinë e PS nga nga kryeministri Rama. /tesheshi.com/
